«Ech be scho mängisch of somene Hof gsi!»
«Ech weiss wies do zue ond här god.»

«Verstampfet-verdröckt-gschrederet!»

«Mer macht das nüüd us. Wenn mer mech uufmacht ond min guet ghüetete Inhalt usleert, denn passiert emmer weder s gliich.
Igschmolze, gwalzet, frösch zuegschnette ... ond denn werd i weder neu gföllt. Vellecht chomm ech weder zom Giovanni, als Pelatiböchs. Ond er spuelt mech met sim Rotwie, dröllet mi bes mer halbe storm werd ond güsst alles gnösslech id Bolognaise. Denn stellt er mech näb de Herd ond ech chan zueluege, wiener liebevoll sini Spaghetti met Sauce os mer zuebereitet ond esst.»

«Schueh-Pet-Glas ond Böchse esch o.k.!»
«Ech well au do bliibe, ech well au dooobliibe!»